Перу шимолидаги йирик йўл-транспорт ҳодисаси камида 20 кишининг ҳаётига зомин бўлди. Яна 33 киши жароҳатланган.
Манбаларга кўра, йўловчилар билан тўла автобус йўлдан чиқиб кетиб жарликка қулаган. Жароҳатланганлар шифохонага етказилган. Қутқарувчилар қурбонлар сони ортиши мумкинлигини айтишмоқда. Ҳодисанинг аниқ сабаблари ҳозирча номаълум. Ҳозирда тергов ҳаракатлари бошланган.