Грецияда деҳқонлар электр энергияси нархи ошишига қарши намойишга чиқди. Намойишчилар Лариса шаҳри яқинида йўлни тўсиб, идишларга қуйилган сутларни тўкиб юборишди.
Фермерлар электр энергияси нархини қайта кўриб чиқишни талаб қилмоқда. Шунингдек, улар ёқилғи солиғини туширишни талаб қилишмоқда. Ҳукумат бу талабга риоя қилмаса, мамлакатдаги барча автомагистралларни ёпишини айтишмоқда. Ҳукумат эса электр нархининг қимматлашига нефт ва газ импорти сабаб бўлганини айтмоқда.
Астериос Цикрицис, Тирнавос фермерлар уюшмасининг президенти:
— Ҳозир харажатларимиз кўпайиб, аҳволимиз оғирлашди. Нархларнинг ошиши фермерларга зарар етказмоқда. Масалан, бизда бир литр дизел 1 евро 60 цент бўлса, бошқа мамлакатларда атиги 70 цент. Шунинг учун ҳукуматдан масалани қайта кўриб чиқишни сўраймиз.