Буюк Британияда инфляция юқори даражага етди. Охирги 12 ой ичида истеъмол товарларининг нархлари 5,5 фоизга қимматлади. Бу ҳақда Миллий статистика хизматига таяниб, The Guardian нашри ёзмоқда.
Инфляциянинг ушбу кўрсаткичи 1992-йилнинг март ойидан бери энг юқори кўрсаткич бўлиб, 7,1% ни ташкил этди.
Англия банки истеъмол нархлари инфляцияси апрель ойидан бошлаб 7,25% гача кўтарилиши мумкинлиги ҳақида огоҳлантирди. Чунки энергия нархининг ошиши истеъмолчиларга қийинчилик яратади.
Forbes журналининг ёзишича, инфляциянинг ўсиб бораётгани ҳозирги глобал тенденцияга айланди. АҚШда инфляция 2021-йилнинг охирги ҳолатига кўра 7 фоизни ташкил қилди. Бу 1982 йилдан буёнги энг юқори кўрсаткичдир.
Иқтисодий Ҳамкорлик ва Тараққиёт Ташкилотига аъзо 38 та давлатда истеъмол нархларининг йиллик ўсиши ноябрь ойида 5,8 фоизга ўсди, бу 1996 йил май ойидан бери энг юқори кўрсаткичдир.