Бразилиянинг Петрополис шаҳрида содир бўлган лой кўчкисидан ҳалок бўлганлар сони 113 кишига етди.
Яна 120 киши бедарак йўқолган. Табиий офат 400 кишининг уйини вайрон қилган. Қутқарувчилар вайронага айланиб, лой остида қолган уйларни қазиб, қидирув ишларини давом эттирмоқда. Ҳудудда 1932 йилдан бери бўлиб кўрмаган ёғингарчилик юз бериб, кейин лой кўчкилари бошланган. Синоптиклар 3 соатда бир ойлик ёмғир қуйганини айтишмоқда.
Лиза Торрес, маҳаллий турғун:
– Бундай даҳшатни биринчи марта кўришим. Кўп одамлар лой кўчкиси остида қолди. Дўстим икки қизи, неваралари ва онасидан айрилди.