Рамзан Қодиров 19 ёшли қизини юқори лавозимга тайинлади

Рамзан Қодировнинг кенжа қизи Хутмат Қодирова юқори мансабдор шахс этиб тайинланди. Бу ҳақда Чеченистон матбуот ва ахборот вазири Аҳмад Дудаев маълум қилди.

“Мен Чеченистон Республикаси биринчи президентининг набираси (Хутмат Қодирова)ни минтақа раҳбари котибияти бошлиғи ўринбосари лавозимига тайинлангани билан чин қалбимдан табриклайман!

Хутмат Рамзановна турли соҳаларда бир неча бор юқори натижаларга эриша олди. У олий мартабали ҳофиз сифатида ўзини ҳақиқий мусулмон ва чечен халқининг чинакам қизи эканлигини исботлади.Хутмат Рамзановна ўзига юкланган вазифаларни бажариб, республика манфаати учун ишлашига шубҳам йўқ”, — деб ёзди Дудаев Instagram  саҳифасида.

Хутмат Қодирова Чеченистон раҳбарининг учинчи қизи, Грозний дельфинарий соғломлаштириш ва кўнгилочар мажмуаси бош директори. Аввалроқ Рамзан Қодиров уни туғилган куни билан табриклаб, Қуръонни ёддан билишини ва Россиядаги энг ёш фермер эканини айтган эди.

Эслатиб ўтамиз, Қодировнинг икки катта қизи Чеченистонда юқори лавозимларда ишлайди. Хусусан, Айшат ўтган йили Маданият вазири этиб тайинланган, Хадижат эса Грозний мактабгача таълим бошқармасини бир йилдан ортиқ вақтдан бери бошқариб келмоқда.

Бўлишинг:

Муҳаррир танлови

Украина аскарлари россия чегарасига етиб келди

Украина Давлат чегара хизмати бўлинмалари Россия аскарларини Чернигов вилоятида қочириб юборган. Украина Қуролли кучлари “Шимол” операциясини муваффақиятли якунлаб, ...

Туркманистон россияга мева-сабзавот экспортини оширади

Туркманистон Украинага бостириб киргани учун санкцияга учраган Россияга мева-сабзавот экспортини оширади. Бу ҳақда Туркманистон маҳаллий ҳокимият органларига таяниб, ...

Россияда ўзбекистонлик сотувчи аёлни харидордар кўз ўнгида ваҳшийларча ўлдиришди

«Пятерочка» дўконида эркак киши кассирга ҳужум қилиб, аёлга пичоқ билан 20га яқин жароҳат етказди ва воқеа жойидан яширинди. Уч нафар фарзанди бўлган ўзбекистонлик Умида С. ...