Россия президенти Владимир Путин Донецк Халқ Республикаси ва Луганск Халқ Республикасининг суверенитетини тан олиш ҳақидаги фармонни имзолади.
Тадбир аввалроқ Россия Федерацияси Хавфсизлик кенгашининг йиғилиши бўлиб ўтган Кремлнинг Екатерина залида бўлиб ўтди. Унда расман тан олинган республикалар раҳбарлари Пасечник билан Пушилин иштирок этди. Томонлар дўстлик, ҳамкорлик ва ёрдам тўғрисида шартнома имзолашди.
Эслатиб ўтамиз, аввалроқ Путин телемурожаатида Донецк Халқ Республикаси ва Луганск Халқ Республикасининг мустақиллиги ва суверенитетини тан олиш тўғрисида зудлик билан қарор қабул қилишини маълум қилган эди.
Путиннинг бу ҳаракати Европа етакчилари томонидан кескин танқид қилинди. Сиёсатчилар, Россия қарори халқаро ҳуқуқни бузади ва “Минск келишувларини тўхтатади” деган фикрни айтишмоқда.