Бошқа мавзуларТуркия Ташқи ишлар вазирлиги Россия президенти Владимир Путиннинг ДХР ва ЛХР мустақиллигини тан олиш қарорини қоралади. Туркия Ташқи ишлар вазирлиги Москванинг бу ҳаракатини “қабул қилиб бўлмас” деб таъкидлади.
“Россия Федерациясининг Донецк ва Луганск деб аталувчи республикаларни тан олиш ҳақидаги қарори Минск келишувларига зид, шунингдек, Украинанинг сиёсий бирлиги ва ҳудудий яхлитлигини очиқдан-очиқ бузиш ҳисобланади. Россия Федерациясининг қарори қабул қилиниши мумкин эмас ва биз буни қабул қилмаймиз”, — дейилади Туркия ТИВ баёнотида.
Шунингдек Ташқи ишлар вазирлиги Туркия Украинанинг сиёсий бирлиги ва ҳудудий яхлитлигига содиқлигини яна бир бор тасдиқлади ва барча манфаатдор томонларни эҳтиёткорлик билан ҳаракат қилишга ва халқаро қонунларга риоя қилишга чақирди.
