Агар Россия ва Украина урушса, кўплаб одамлар оч қолади

Бирлашган Миллатлар Ташкилоти Россия ва Украина ўртасидаги инқироз бу мамлакатлар дон экспорт қилаётган Африка ва Яқин Шарқда нон тақчиллигига олиб келиши мумкинлигидан огоҳлантирди.

Бирлашган Миллатлар Ташкилотининг Жаҳон озиқ-овқат дастури (WFP) вакили Нилс Греде ўз баёнотида Россия ва Украина ўртасидаги инқироз нон  етказишни қийинлаштиришини маълум қилди.

Ҳар икки давлат ҳам дунёдаги муҳим дон ишлаб чиқарувчилар эканлигини таъкидлаган Нилс Греде:

“Россия ва Украина ўртасидаги инқирознинг жиддийлиги шундаки, Африка ва Яқин Шарқдаги кўплаб давлатлар бу икки давлатдан дон олади.

 Агар уруш бўлса, бу жараён кечиктирилади. Украина дон етиштира олмайди. Шу билан бирга, нархлар ошади. Бу айрим мамлакатларда нон тақчиллигига олиб келади”.

Дунёда 800 миллион одамнинг очлик ёқасида эканлигини, айтган Нилс Греде уларни қўллаб-қувватлаш учун етарли бойлик йўқлигини билдирди.

Бирлашган Миллатлар Ташкилотининг Жаҳон озиқ-овқат дастури (WFP) ёрдам оладиган одамлар сонини 100 миллиондан 140 миллионга ошириш устида иш олиб бораётганини айтган Нилс Греде бойлик чеклангани учун ҳозир энг муҳтожларга ёрдам бераётганини маълум қилди.

Бўлишинг:

Муҳаррир танлови

Асли ўзбекистонлик ақш фуқароси зокир алиев озод қилинди

Ўзбекистондан олинган хабарларга кўра, бундан бир неча кун олдин терроризмга алоқадор айбловлар билан гумонланиб Қашқадарё вилоятида ҳибсга олинган АҚШ фуқароси Зокир Алиев ...

Ироқ исроил давлатини тан олмаслик ҳақидаги қонунни қабул қилди

Исроил билан дипломатик муносабатлар ўрнатишга уриниш жиноят ҳисобланади. Ироқ парламенти худди шундай қонунни қабул қилди. Умуман олганда, Ироқ Исроил давлатини ҳеч қачон ...

Ўзбекистон ақш ғазначилик облигацияларини харид қилади

Ўзбекистон ўзининг валюта резервлари таркибида олтиннинг улушини қисқартиради ва АҚШнинг ғазначилик облигацияларини харид қилади. Бу ҳақда Бош вазир ўринбосари, молия вазири ...