Чехия Россия ва Беларусдаги элчиларини маслаҳатлашувлар учун чақириб олди. Бу ҳақда Чехия бош вазири Петр Фиал расман маълум қилди, дея хабар беради Reuters.
Чехия Карлови Вари ва Брнодаги Россиянинг иккита консуллигини, шунингдек, Санкт-Петербург ва Екатеринбургдаги Россия консулликларини ёпишга қарор қилди.
24-февраль куни Россия президенти Владимир Путин Украинада ҳарбий операция бошланганини маълум қилди. Украинанинг кўплаб шаҳар ва вилоятларида портлашлар ва отишмалар содир бўлди.
Украина Хавфсизлик Кенгаши резолюциясидан сўнг мамлакатда уруш ҳолати эълон қилинди.