Бошқа мавзуларБиз Россия билан 200 йилдан бери биргамиз ва яна 300 йил бирга бўлишга тайёрмиз. Бундай фикрни Қирғизистоннинг Вазирлар Маҳкамаси раиси Ақилбек Жапаров Россия Бош вазири Михаил Мишустин билан учрашувида билдирди. Бу ҳақда Россия ҳукумати сайтида ёзмоқда.
“Россия билан ҳамкорлик қилиш биз учун жуда муҳим. Бу ерга келишдан аввал президент Садир Жапаров билан учрашдим. “Биз Россия билан 200 йилдан буён биргамиз ва яна 300 йил бирга бўлишга тайёрмиз. Биз энди ўйламаймиз, бирга бўлганмиз ва бирга бўламиз”, деди Жапаров.
Ақилбек Жапаров 24-февраль куни Қозоғистоннинг Нур-Султон шаҳрида бўлиб ўтган Евроосиё ҳукуматлараро кенгаши йиғилишида иштирок этди.
Жорий йилнинг март ойида Қирғизистон ва Россия ўртасида дипломатик муносабатлар ўрнатилганига 30 йил тўлади.
