Россия кучлари Киевнинг Троешина туманидаги ИEС-6 га ҳужум қилмоқда. Бу ҳақда Украина махсус алоқа ва ахборотни ҳимоя қилиш хизмати Киев вақти билан тахминан 14:30 да хабар берган.
Киевнинг айрим ҳудудларида портлаш содир бўлгани хабар қилинган. Буни Телеграм каналларида жойлаштирилган видеолавҳалар тасдиқлайди.
Расмий маълумотларга кўра, россиялик десантчилар Украина пойтахтидан 30 километр узоқликдаги Василков ҳудудига қўнишга ҳаракат қилмоқда. Украина қуролли кучлари қаршилик кўрсатмоқда
Ярим тунда тарқатган видеомурожаатида президент Владимир Зеленский Россия қўшинлари ҳужумни режалаштираётгани, Киевни эътибордан четда қолдирмаслик кераклиги, тун оғир кечиши ҳақида огоҳлантирди.
Россиянинг Украинага бостириб кириши 24 февраль куни эрталабдан буён давом этмоқда. Украина расмийлари жангларнинг биринчи кунида 137 аскар ҳалок бўлганини айтмоқда, бироқ Россия қурбонлар ҳақида маълумот бермаган. Киев 25-февраль куни соат 15:00 га қадар 3000 га яқин рус аскарини ўлдирганини айтди. Москва ҳали буни тасдиқламади.