Кеча, 25-февраль куни бутун дунё бўйлаб Facebook, Instagram ва Telegram мессенжерларида ўчиришлар юз берди. Бу ҳақда Downdetector сайти хабар берди.
Ижтимоий тармоқ фойдаланувчилари иловадаги муаммолар (69%), профилга кира олмаслик (16%), веб-сайтдан фойдалана олмаслик (15%) ҳақида шикоят қилган. Шунга ўхшаш билдирувлар Россия, Германия, Франция, АҚШ ва бошқа бир қатор мамлакатларда ҳам бўлган.
Масалан, Telegram фойдаланувчиларининг 44 фоизи серверга уланишда, 29 фоизи хабарларни қабул қилишда, 27 фоизида эса иловалар билан боғлиқ муаммолар юзага келган. Россия, Украина, Германия, Франция ва бошқа бир қатор давлатлар аҳолиси ижтимоий тармоқларга кириш имкониятидан маҳрум бўлишган.
Аввалроқ, худди шу куни учта банкнинг: «Сбербанк», «Райффайзенбанк» ва ВТБнинг, шунингдек, Ростелекомнинг веб-сайтларида техник муаммолар юзага келгани қайд қилинган.