Бугун киевликлар бошпанасига айланган метрода чақалоқ дунёга келди. Украина халқи учун оғир дамларда ҳаёт эшигини очган чақалоққа Мия деб исм қўйилди. Бу ҳақда собиқ депутат Анна Гопко маълум қилди.
“Мия бугун тунги ваҳимали жанглар бўлаётган вақтда – Киевни душман қамал қилаётганда туғилган. Онаси хурсанд. Путин украиналикларни ўлдирар экан, биз Россия ва Беларусдаги оналарни Россиянинг Украина билан урушига норозилик билдиришга чақирамиз. Биз ҳаёт ва инсониятни ҳимоя қиламиз”, дейилади маълумотда.
Ижтимоий тармоқ фойдаланувчилари шундай оғир паллада дунёга келган болани табриклади. Унинг онаси эса қаҳрамонга тенглаштирилди.