Бошқа мавзуларУкраиналик қочқинлар Германияда одатий бошпана олишмайди. Улар Европа Иттифоқида дарҳол уч йилгача ҳимояланади. Бу ҳақда Германия ички ишлар вазири Ненси Фезер 2-март куни «Твиттер» саҳифасида ёзди.
“Биз тез ва бюрократик кечикишларсиз ёрдам берамиз. Украинадан келган қочқинлар бошпана олишмайди ва улар дарҳол Европа Иттифоқида уч йилгача ҳимояланади. Биз уларни таъминлаймиз ва имкон қадар тезроқ меҳнат бозорига киришига имкон берамиз “, деди Фезер.
ИИВ маълумотларига кўра, айни дамда Германияга 5 мингга яқин украиналик қочқинлар келяпти ва уларнинг оқими кун сайин ортиб бормоқда.
Аввалроқ БМТнинг Қочқинлар бўйича Олий комиссарлиги матбуот котиби Шабиа Манту сўнгги олти кун ичида қўшни Украинадан 660 мингдан ортиқ қочқин келганини маълум қилганди. Мантуга кўра, агар қочқинлар сонининг ўсиши бир хил суръатда давом этса, бу “асрнинг энг катта қочқинлар инқирози” бўлади.
