Украина Россияни Мариуполдаги болалар шифохонасини бомбардимон қилишда айблади

Украина Россия кучларини Мариуполдаги болалар шифохонасини бомбардимон қилишда айблади. Шаҳар маъмурияти маълумотларига кўра, тиббиёт муассасаси вайрон бўлган, бироқ ҳалок бўлганлар ва жароҳатланганлар сони ҳозирча номаълум.

“Россия босқинчи кучлари болалар шифохонасига бир нечта бомба ташлаб, катта вайронагарчиликка олиб келди”, — дейилади шаҳар маъмурияти хабарида.

Россия ҳужумидан кейин шифохона ишлаётгани ёки ёпилгани эълон қилинмади.

Ижтимоий тармоқларда жойлаштирилган суратларда бино вайронага айланганини кўриш мумкин.

Украина президенти Владимир Зеленский вайроналар остида одамлар қолиб кетган бўлиши мумкинлигини айтиб, портлашни “йиртқичлик ҳаракат” деб атади.

Россия Мудофаа вазирлиги шифохонадаги портлаш ҳақидаги хабарларга изоҳ бермади. Москва тинч аҳоли манзилларига зарба бермаганини айтди. Айни пайтда уйлар ва мактаблар вайрон бўлгани ҳақида хабарлар бор. БМТнинг сўнгги маълумотларига кўра, 24-февралдаги Россия босқинидан бери Украинада камида 1424 нафар тинч аҳоли ҳалок бўлган ёки яраланган.

Мариупол бир неча кундан бери Россия қўшинлари ва ўзини Донецк Халқ Республикаси деб атаган минтақадан келган кучлар томонидан қамалда. Шаҳардаги гуманитар вазият оғир экани айтилмоқда.

Бўлишинг:

Муҳаррир танлови

Кремль путиннинг киевдан рус қўшинларини олиб чиқиш ҳақидаги буйруғини эълон қилди

Россия президенти Владимир Путин рус қўшинларини Киев вилоятидан олиб чиқишни буюрди. Бу ҳақда Кремль матбуот котиби Дмитрий Песков маълум қилди. Президент матбуот котиби бу ...

Рим папаси буғдойни уруш қуролига айлантирмасликка чақирди

Рим папаси Франциск Россия бошлаган урушда озиқ-овқат қуролга айланмаслиги кераклиги ҳақида огоҳлантирди. Понтифик Ватикандаги ибодат чоғида Украинадан буғдой экспортини ...

Литва ва латвия россиянинг элчиларини чиқариб юборади

Литва ҳукумати Россиянинг элчисини чиқариб юборишга қарор қилди. Бу ҳақда душанба куни Литва ташқи ишлар вазири Габриэлюс Ландсбергис маълум қилди. Қарорга кўра, Россиянинг ...