Бошқа мавзуларҚозоғистон Миллий хавфсизлик хизмати собиқ раҳбари Карим Масимовнинг уйида тинтув ўтказилди. У ердан Масимовга тегишли эканлиги айтилаётган қимматбаҳо соатлар, олтин қуймалари ва антиқа буюмлар топилган. Шунингдек, Массимовнинг яқинларидан 5 миллион доллар мусодара қилинган.
Қозоғистон Миллий хавфсизлик хизмати собиқ бошлиқ чекист Масимовга нисбатан қўзғатилган жиноий иш тафсилотларини ошкор қилди.
Унга кўра, Қозоғистон Миллий хавфсизлик хизматини тўрт йил давомида бошқарган Карим Масимовнинг уйини тинтув қилиш натижасида 17,2 миллион доллар топилган. 11 та қимматбаҳо автомашиналар ва Қозоғистоннинг машҳур Боровое курортидаги дам олиш уйи ва бошқа мулклари ҳам мусодара қилинган. Бундан ташқари, хорижий мамлакатнинг вакилларидан пора сифатида олинган 2 миллион доллар пул хориждаги ҳисобидан Қозоғистонга қайтарилди.
Айни дамда унга “хизмат ваколатларини суиистеъмол қилиш” ва “коррупция” моддалари бўйича бир қанча айбловлар қўйилган.
Шунингдек пора сифатида пойтахтдаги меҳмонхонани олгани ҳам маълум бўлган. Ушбу уйни январь ойида тинтув қилишганда катта миқдордаги пул ва қимматбаҳо буюмлар топилган.
