Россия Украинадаги иккита ҳарбий аэродромни вайрон қилганини айтди

Россия Мудофаа вазирлиги Россия кучлари Украинанинг Луцк ва Ивано-Франковск шаҳарларидаги иккита ҳарбий аэродромни “яроқсиз қилганини” маълум қилди. Бу ҳақда 11-март куни вазирлик матбуот котиби Игорь Конашенков айтди. Унинг қўшимча қилишича, Россия Украинага бостириб кирганидан бери Украинанинг 3213 та ҳарбий инфратузилмаси йўқ қилинган.

Мудофаа вазирлигининг сўнгги баёноти мустақил манбалар томонидан тасдиқланмади. Аммо Луцк ва Ивано-Франковск шаҳарларининг айрим аҳолиси икки аэропорт яқинида портлаш овози эшитилганини айтишди.

Бомбардимонлар аввал Россия ҳужум қилган ҳудудларнинг ғарбий қисмида содир этилган. Айрим кузатувчиларнинг фикрича, бу Россия ҳужумининг янги йўналишини кўрсатиши мумкин.

Украина ички ишлар вазири маслаҳатчиси Антон Герашченконинг айтишича, Россия кучлари 11 март куни шарқдаги Днепр шаҳрига уч марта зарба бериб, камида бир киши ҳалок бўлган.

Британия Мудофаа вазирлиги Россия қуруқликдаги кучлари чекланган ютуқларга эришганини, бироқ рус армияси асл мақсадига эриша олмаганини айтди. Шунингдек Британия вазирлиги Москва яқин кунларда ҳужумларини кучайтириши ва Киевни яна нишонга олиши мумкинлигидан огоҳлантирди.

Россия 24-февралда Украинага бостириб кирди. Ўшандан бери Украинада юзлаб аскарлар ва тинч аҳоли ҳалок бўлди. Урушни тугатишга қаратилган тинчлик музокаралари муваффақиятсизликка учрамоқда.

Бўлишинг:

Муҳаррир танлови

Путин украиналикларга россия паспортини олишни осонлаштирди

Россия президенти Владимир Путин Украинанинг барча фуқаролари учун Россия фуқаролигини олиш қоидаларини соддалаштирувчи фармонни имзолади. Ҳужжат мазмуни 11-июлда ҳукуматнинг ...

Ўзининг соясидан қўрқиб, яшаётган путин ошпазларигача алмаштирди

Бир ой ичида Россия президенти Владимир Путин бутун атрофини бутунлай ўзгартирди. Бу ҳақда Алексей Навальний жамоасининг тергов бўлимида ишлаган россиялик жамоат арбоби ...

Ленинград вилоятида мактаб ўқувчиси ўзбекистонликни пичоқ билан ўлдирди

Россиянинг Ленинград вилоятида 28 июнь куни ўзбекистонлик муҳожир пичоқ билан уриб ўлдирилди. Бунга сабаб мопедда ҳаракатланаётган ҳайдовчи, Ўзбек ватандошига пиёдалар ўтиш ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400