Олмаота вилояти иккига бўлинади. Бу ҳақда Қозоғистон президенти Қосим-Жўмарт Тўқаев Қозоғистон парламенти палаталарининг қўшма мажлисида Қозоғистон халқига Мурожаатномасида айтиб ўтди.
“Учинчи масала. Олмаота агломерацияси билан боғлиқ муаммолар кўп. Шу ва бошқа омилларни ҳисобга олган ҳолда Олмаота вилоятини иккига бўлишни таклиф қиламан. Бу ҳудудда Еттисув ва Олмаота вилоятлари тузилади. Олмаота вилоятининг маркази Қапчағайда бўлиши керак. Еттисув вилоятининг маркази Толдиқўрғонда бўлади”, деди президент.