Россия Киев ва Мариуполга ҳужумларини кучайтирди

Украина Қуролли кучлари Бош штаби маълумотларига кўра, Россия Киевни бомбардимон қилишни кучайтирди ва Мариупол портига янги ҳужумларни бошлади.

Шиддатли жанглар Украина-Россия можаросини ҳал этиш бўйича тинчлик музокаралари кетаётган бир пайтга тўғри келмоқда.

Россия қўшинлари Киев шимоли-ғарби ва ғарбида ҳужумларни кучайтирганини 16-март куни Киев вилояти губернатори Алексей Кулеба маълум қилди.

“Улар пойтахтни транспорт артериясидан маҳрум қилишга ва унинг логистик имкониятларини йўқ қилишга ҳаракат қилмоқда. Киевни босиб олиш учун ҳужум қилинмоқда”, – деди Кулеба.

Унинг сўзларига кўра, рус қўшинлари Киевдан 80 километр шимолда жойлашган Иванков шаҳрини эгаллаб, Беларус билан чегарани назорат қилмоқда.

Украина фавқулодда вазиятлар хизмати маълумотларига кўра, снаряд парчалари Киев марказидаги 12 қаватли турар-жой биносининг юқори қаватини синдириб ташлаган. Қўшни бино ҳам зарар кўрган. Агентлик икки жабрдийда ҳақида хабар берди, бироқ тафсилотларни келтирмади.

 Пойтахтни бомбардимон қилиш натижасида шаҳардаги кўп қаватли уйлар, метро станциялари ва бошқа ижтимоий ва фуқаролик объектлари вайрон бўлгани айтилмоқда.

Россия қўшинлари Киевдан 25 километр узоқликдан зарбалар бераётгани айтилмоқда.

Киевнинг ўзида 16-март куни 35 соатлик комендантлик соати жорий этилди. Бир кун аввал шаҳар мэри Виталий Кличко комендантлик соати эълон қилиб, Россия қўшинлари ҳужумларини кучайтириб, пойтахтга яқинлашиб колганда, “шаҳар хавфли лаҳзага дуч келишидан” огоҳлантирди.

Мариупол ва бошқа шаҳарларда, жумладан Харьков ва Николаевда шиддатли жанглар кетаётгани хабар қилинмоқда.

Бўлишинг:

Муҳаррир танлови

Ўзбекистонда мобил интернет нархи қирғизистонга нисбатан 15 баробар қиммат

Ўзбекистон мобил интернет арзонлиги бўйича дунёда 69-ўринни эгаллади. Бу ҳақда 230 мамлакатда мобил хизматлар нархи баҳоланадиган Worldwide mobile data pricing  рейтинги ...

Ўзбекистонлик ишсиз фуқаро санкт-петербургда ўзи билан бирга яшовчи аёлни пичоқлаб ўлдирди

Санкт-Петербург полицияси ўзи билан бирга яшовчи аёлни пичоқлаб ўлдирган 43 яшар Ўзбекистон фуқаросини қўлга олди. Ҳодиса 6 сентябрь куни Большой Пушкарский кўчасидаги ...

Украинадаги урушда 25 минг 650 нафар рус аскари ҳалок бўлди

Украина Бош штабининг маълум қилишича, Россиянинг 25 650 аскари, 199 самолёти, 158 вертолёти ва 1145 танки йўқ қилинган. Украина Бош штаб бошқармаси Россия армиясининг ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400