Яманнинг 17 миллион аҳолиси очлик хавфи остида.
Ҳозир шошилинч ёрдам кўрсатилмаса, бу рақам ёзда 19 миллиондан ошиши мумкин. Бу маълумот БМТ томонидан ҳам тақдим этилган. Халқаро ҳамжамиятнинг фикрича, донорларнинг асосий эътибори сўнгги йилларда коронавирус эпидемияси, Афғонистондаги инқироз ва Украинадаги уруш оқибатларига қаратилган. Шу туфайли Яман халқига етказиладиган озиқ-овқат ва дори-дармон миқдори камайган. Яман буғдойининг 30 фоизини Россия ва Украинадан олиб келган.
Эслатиб ўтамиз, Яман аҳолиси 2021-йилги ҳисоботга кўра 30 553 055 нафарни ташкил қилади. Бу мамлакатда 7 йилдан бери қуролли тўқнашув давом этмоқда. Мухолифат пойтахт Сана ва мамлакатнинг катта қисмини босиб олган.