Афғонистонда 13 700 дан ортиқ бола тўйиб овқатланмасликдан вафот этган. Бу ҳақда «Хьюман Райтс Уотч» ташкилоти хабар берди.
Энг ёмони, бу бир неча йиллик статистика эмас. Бу жорий йилнинг 3 ойидаги кўрсаткич. Мутахассисларнинг фикрича, вазиятнинг ёмонлашганига бир қанча сабаблар бор. Ўтган йили мамлакат даҳшатли қурғоқчиликка дучор бўлди. Қолаверса, Толибон ҳокимият тепасига келганида Афғонистон марказий банкининг заҳиралари музлатилган эди. Дунё мамлакатлари инсонпарварлик ёрдамларини жўнатиб, пул ажратмоқда. Бироқ, молиявий операциялар бўйича чекловлар туфайли улардан тўғри фойдаланишнинг иложи бўлмаяпти.