БМТ: Украинада 10 миллионга яқин одам ўз уйини ташлаб кетишга мажбур бўлди

Украина аҳолисининг чорак қисми, яъни 10 миллионга яқин киши жанговар ҳаракатлар бошланганидан бери уйларини ташлаб чиқишга мажбур бўлди. Бу ҳақда Бирлашган Миллатлар Ташкилотининг Қочқинлар бўйича Олий комиссарлиги раҳбари Филиппо Гранди Твиттердаги саҳифасида ёзди.

Бу рақамга мамлакатнинг ичида жой алмаштирганлар ва мамлакатни тарк этганлар киради. Маҳкаманинг маълумотларига кўра, 20-мартгача 3,4 миллионга яқин украиналиклар, асосан аёллар ва болалар бошқа мамлакатларга қочиб кетган. 18 ёшдан 60 ёшгача бўлган ҳарбий ёшдаги эркакларнинг мамлакатдан чиқиб кетиши чекланди.

Украиналик қочқинларни асосан Польша, Руминия, Словакия, Венгрия, Молдова ва бошқа давлатлар қабул қилмоқда. Европа Иттифоқи украиналикларга иттифоққа аъзо 27 мамлакат ҳудудида уч йил муддатгача яшаш ҳуқуқини берди.

Россия президенти Владимир Путиннинг “Донбасс аҳолисини ҳимоя қилиш” ҳақидаги баёноти ортидан 24 февраль куни Россия қўшинлари Украинага бостириб кирди. Ўшандан бери Украинанинг барча ҳудудларида отишмалар ва портлашлар давом этмоқда. Энг йирик ҳужумлар Киев, Харьков, Мариупол ва Львовда амалга оширилмоқда. Юзлаб одамлар ҳалок бўлди.

Бўлишинг:

Муҳаррир танлови

Мирзиёев рустам иноятовга даҳлсизлик берди

МХХнинг собиқ раиси Рустам Иноятов Ўзбекистон Олий мажлис сенатининг аъзоси бўлди. Бу ҳақда 31 январ куни Президент Шавкат Мирзиёевнинг фармони чиқди. Хабарни BBCUZBEK.COM га ...

Кундуз куни транспорт воситалари чироқларни ёқиб ҳаракатланиши шартлиги белгиланди

Йўл ҳаракати қоидаларига ўзгартириш киритиш тўғрисидаги Ҳукумат қарори (292-сон, 09.04.2019 й.) қабул қилинди, дея хабар қилди Адлия вазирлиги Telegram-каналида. ...

“ муҳолифат ичидаги энг мард муҳожир…”

Мен Баҳодир Хон Туркистон билан ёзувчи Эврил Турон қаламига мансуб “Афсона ва Ҳақиқат” эссеси орқали танишганман. “Алпомиш” достонининг оҳангларини(!) қалбимда уйғотиб, фикр ...