Владимир Жириновский тирик бўлиб чиқди

Россиялик депутат Владимир Жириновский касалхонада. Кўпгина оммавий ахборот воситалари Жириновскийнинг вафот этгани ҳақида хабар беришди.

Унинг ўлимини россиялик депутат ва Федерация кенгаши аъзоси Александр Пронюшин тасдиқлаган эди. Кейинчалик у постини ўчириб ташлади. Россия Соғлиқни сақлаш вазирлиги унинг тирик эканлигини айтди. У илгари 50-75% пневмония билан касалхонага ётқизилган. Жириновский жами 8 марта коронавирусга қарши вакцина олган.

“Беморнинг аҳволи барқарор. Шифокорлар барча мумкин бўлган тиббий ёрдамни кўрсатмоқда “, деб хабар беради Россия Федерацияси Соғлиқни сақлаш вазирлиги матбуот хизмати.

Россия Давлат думаси депутати Владимир Жириновский 1946-йилда Қозоғистоннинг Олмаота шаҳрида туғилган. 1964-йил 3-июнда Қозоғистондан чиқиб кетган. Кейинчалик Россияда турли лавозимларда ишлаган ва бошқа халқларни тез-тез танқид қилгани билан машҳурдир. Қўшни Қозоғистон Ташқи ишлар вазирлиги томонидан мамлакатга кирмаслик ҳақида расман огоҳлантирилган. Сабаби у қозоқ халқини асоссиз кўп танқид қилар эди. Ўзбекистон эса Россиялик сиёсатчини ўзбек халқига нисбатан қилган танқидларига қарамай, мамлакатимиз амалдори 2018 йилнинг 2 ноябрь куни  Ўзбекистонга келишига йўл очиб берган. Ўша вақтда у Бухоро шаҳрига аъло кайфиятда келиб, рақсга тушишни бошлаган. Шунингдек Бухоро вилоятининг ўша вақтдаги ҳокими Ўктам Барноевни Бухоро амири дея номлаган.

Бўлишинг:

Муҳаррир танлови

Меҳнат муҳожирлари ҳар йили ўзбекистонга 5 миллиард доллар юбормоқда

1 август куни Халқаро пресс-клубда «Ўзбекистонда одам савдоси ва мажбурий меҳнатга қарши курашишнинг янги тизими: халқаро ҳамкорлик, устувор вазифалар ва муаммолар таҳлили» ...

Медведев финляндия ва швеция натога қўшилса, оқибати ёмон бўлишидан огоҳлантирди

Россия Хавфсизлик кенгаши раиси ўринбосари Дмитрий Медведев Финляндия ва Швеция НАТОга қўшилса, “Болтиқбўйининг ядро қуролидан холи ҳудуд деган мақоми тўғрисидаги гап бўлиши ...

Бутун дунё россиянинг қарорига қарши

Бутун дунё Россия Федерацияси Президенти Владимир Путиннинг Донецк Халқ Республикаси ва Луганск Халқ Республикаси суверенитетини тан олиш ҳақидаги оғзаки қарорига норозилик ...