Бошқа мавзуларЖўғўрку Кенеш депутати Айбек Осмоновнинг айтишича, айни пайтда Россия армиясида 30 мингга яқин қирғизистонлик йигит хизмат қилмоқда.
Депутат, Россия фуқаролигини олишнинг ижобий ва салбий томонларига тўхталар экан, Осмонов қирғизистонликларнинг 600 мингга яқини Россия фуқаролари эканлигини, иш йўқлиги сабабли мамлакатни тарк этишга мажбур бўлганлигини таъкидлади:
«600 мингга яқин юртдошимиз ўша ернинг фуқаролигини олди. Уларнинг 5 фоизи, яъни 30 минг нафар фуқаромиз ҳозир ўз ватанини ҳимоя қилмоқда. Улар армияда хизмат қилмоқда. Бу 30 мингга яқин. Буни тўхтайди деб ҳеч ким айта олмайди. Энг муҳими, фуқароларимиз у ерга иш излаб, рўзҳор тебратиш, оиласи, фарзандларини боқиш учун борган».
24 февралда Россия Украинага бостириб кирди. Бу урушда ҳалок бўлганлар орасида Қирғизистонда туғилиб вояга етган икки йигит ўтган ҳафта ўз ватанларида дафн этилди. Иккаласи ҳам Россия фуқароси сифатида урушда қатнашган.
