БМТ: Украиналик қочқинлар сони 4 миллиондан ошди

Бирлашган Миллатлар Ташкилотининг ҳисоб-китобларига кўра, Россия Украинага бостириб кирганидан кейин 4 миллиондан ортиқ украиналик мамлакатни тарк этган.

29-март ҳолатига кўра, украиналик қочқинларнинг аксарияти ёки 2,3 миллиони қўшни Польшага кўчиб ўтган. Руминияга 600 мингдан ортиқ, Молдовага 387 минг ва Венгрияга 364 минг киши қочган.

“Россия босқинидан кейинги беш ҳафта ичида Украинадан чиққан қочқинлар 4 миллион киши бўлди. Мен Украинага эндигина келдим. Бефойда урушдан жабр кўрган, кўчирилган одамларга ёрдамни қандай оширишнинг йўлларини маҳаллий ҳокимият органлари, БМТ ва бошқа ҳамкорлар билан Львовда муҳокама қиламиз, деб ёзди БМТнинг Қочоқлар бўйича комиссари Филиппо Гранди.

Халқаро миграция ташкилоти маълумотларига кўра, Россия босқинидан кейин Украинанинг ўзида 6 миллиондан ортиқ одам ўз уйини ташлаб кетган.

24-февраль ҳолатига кўра, Украина аҳолисининг умумий сони 37 миллион бўлган, Қрим ва Москва томонидан қўллаб-қувватланаётган айирмачилар назоратидаги ҳудудларни қўшганла, 44 миллиондан ортиқ.

Сешанба куни Истанбулда Украина ва Россия делегацияларининг музокараларида олдинга силжиш кузатилди. Москва Киев атрофида ва Украина шимолидаги ҳарбий амалиётларни секинлаштиришини айтди. Бироқ украиналик ҳарбийлар Россиянинг ваъдаси фақат Киевни чалғитиш ва қўшинларни кўчиришга қаратилгани ҳақида огоҳлантирди.

Бўлишинг:

Муҳаррир танлови

Қирғизистонликлар уйни неча пулга ҳарид қилади?

Ўтган йилнинг мартида Бишкекда ер уйнинг ўртача нархи 63 минг доллардан ошган. Бир йилда нарх-наво 56 минг долларга тушди. Кўп қаватли уйларнинг бир квадрат метри 13%гача ...

Яширилаётган ҳақиқатлар

Ўзбекистон Республикасининг Конституциясининг 29-моддасида "Ҳар ким фикрлаш, сўз ва эътиқод эркинлиги ҳуқуқига эга. Ҳар ким ўзи истаган ахборотни излаш, олиш ва уни тарқатиш ...

Жамшид каримов: ислом каримов вафотини беш ойгача сир сақлашди (интервью, 4-қисм)

Ислом Каримовнинг жияни Жамшид Каримов билан суҳбат (4-қисм) Бугунги сонда: Собиқ мулозим: “Каримовнинг оғзига ёғоч қошиқ солинарди”; “Онам ўғри эмас”; “Ислом лотареяга ...