Россия Толибоннинг илк дипломатини аккредитациядан ўтказди

Россия Афғонистонда Толибон томонидан тузилган биринчи ҳукумат дипломатини аккредитация қилди. Бу ҳақда Россия ташқи ишлар вазири Сергей Лавров 31-март куни Туньси шаҳрида (Хитой) Афғонистонга қўшни давлатлар бош дипломатлари йиғилишида маълум қилди. Унинг айтишича, Толибон дипломати февраль ойида Москвага келган.

“Биз халқаро ҳамжамият Афғонистоннинг янги ҳукумати билан фаол ҳамкорлик қилиши керак, деб ҳисоблаймиз”, — деди Лавров.

Унинг қўшимча қилишича, халқаро ҳамжамият Толибон ҳукуматини тан олиши учун янги ҳукумат таркибига Афғонистондаги турли сиёсий гуруҳлар вакиллари киритилиши керак.

Толибон ҳаракати ўтган йилнинг август ойида Афғонистонда ҳокимиятни қўлга киритган эди. Ҳаракат бир қатор давлатлар, жумладан, Россия ва бошқа давлатларда террорчи ташкилот сифатида тан олинган. Октябрь ойида Россия президенти Владимир Путин Москва Толибонни террорчилар рўйхатидан чиқариш устида иш олиб бораётганини айтган эди.

17-март куни Бирлашган Миллатлар Ташкилоти Хавфсизлик Кенгаши Афғонистон билан расмий алоқалар ўрнатишга розилик берган эди. Бироқ қатор давлатлар Толибон ҳукуматини Афғонистондаги қонуний ҳокимият сифатида тан олмаган. Ғарб давлатлари Толибон Афғонистонда аёллар ҳуқуқларини чеклаётганидан хавотир билдирган.

Бўлишинг:

Муҳаррир танлови

Олмаотада икки автобус тўқнашган пайтда 18 киши жабрланди

22 июль, якшанба куни Олмаотадаги Қурманғози ва Дўстиқ кўчалари кесишган жойда иккита йўловчи ташувчи автобус юзмаюз тўқнашиб кетди. Натижада 18 киши касалхонага етказилди. ...

Visa ва mastercard россиядаги фаолиятини тўхтатди

Бугун, 10-март кунидан бошлаб Россияда Visa ва Mastercard халқаро тўлов тизимлари ўз фаолиятини тўхтатди. Россия банкларига мослаштирилган ушбу тўлов тизимлари мамлакатда ...

Тожикистон: баъзи машиналарнинг ўлкага кириши нега тақиқланди?

Тожикистон ҳудудига баъзи машиналарни киритиш тақиқланди. Аниқроғи, 2005 йилгача ишлаб чиқарилган хорижий автомашиналарнинг Тожикистонга олиб киришни таъқиқлайдиган  қарор ...