Суданнинг Жанубий Дарфур вилоятида африкалик ва араб қабилалари ўртасидаги тўқнашувда камида 45 киши ҳалок бўлди.
Суданнинг Жанубий Дарфур хавфсизлик қўмитаси баёнотида айтилишича, 29-март куни вилоят маркази Нияла шаҳрининг ёнидаги қишлоқда африкалик Феллаад қабилалари билан Ризеигат араблари ўртасида низо келиб чиққан.
Тўқнашувларда 45 киши ҳалок бўлган, улар орасида аёллар ва болалар ҳам бор.
Жанжалда 20 киши тан жароҳати олди.
Суданнинг бешта вилоятидан иборат Дарфур минтақасида қабилалар ўртасидаги тўқнашувларда ҳар йили юзлаб одамлар ҳалок бўлади, минглаб одамлар эса уй-жойини тарк этишга мажбур бўлади.