Афғонистонни бошқараётган Толибон ҳукумати 3-апрель куни афюн етиштиришни тақиқловчи буйруқ чиқарди. Аввалига далаларда ўстирилаётган кўкнори ёқиб юборилади, деҳқонлар эса шариат қонунларига кўра жазоланади.
Толибон вакили Забиулла Мужоҳид журналистларга буйруқ ҳақида маълумот берди. Унда айтилишича, энди наркотик воситаларини етиштириш, ишлатиш ва сақлаш тақиқланади.
Афғонистон дунёдаги энг йирик афюн ишлаб чиқарувчи мамлакат ҳисобланади. Бирлашган Миллатлар Ташкилоти маълумотларига кўра, 2017 йилда Кобул афюндан 1,4 миллиард доллар даромад олган.
АҚШ 20 йил давомида афюн етиштиришни чеклаш учун 8 миллиард доллардан ортиқ маблағ сарфлаган эди.