Бошқа мавзуларСербияда 3-апрель куни бўлиб ўтган президентлик сайловларида амалдаги президент Александр Вучич 68 фоиз овоз билан етакчилик қилмоқда. Шу муносабат билан у ўзини ғолиб деб эълон қилди.
Россия-Украина урушига тўғри келган сайловда агар Александр Вучич ғалаба қозонса, Россияга қарши санкциялар билан шуғулланишига тўғри келади. Сербия Европа Иттифоқида Россияга қарши санкциялар қўлламаган ягона давлатдир.
Вучич аввалроқ Сербия бетараф қолишини, жумладан, Россия билан яхши муносабатларни сақлаб қолишга ҳаракат қилишини айтган эди.
“Умид қиламанки, Сербия янгиланади: у барқарорлик, тинчлик, осойишталик ва, албатта, халқимиз учун жуда муҳим бўлган иқтисодий фаровонлик йўлидан боради. Умид қиламанки, одамлар буни ҳал қилади. Улар Сербияни дунёдаги энг тез ривожланаётган мамлакатлардан бирига айлантирадиган сиёсат олиб боришни танлайди”, – деган сиёсатчи.
Эслатиб ўтамиз, кеча, 3-апрель куни Сербияда президентлик ва навбатдан ташқари парламент сайловлари бўлиб ўтди.
