Бошқа мавзуларРоссия босқинидан буён ўтган 40 кун ичида Украинада камида 1417 нафар тинч аҳоли, жумладан 121 бола ҳалок бўлгани тасдиқланди. Жароҳатланганлар сони бундан ҳам кўп. Бу ҳақда БМТнинг Инсон ҳуқуқлари бўйича Олий комиссари бошқармаси хабар бермоқда. Шунингдек, Украина Бош прокуратураси 160 нафар бола ҳалок бўлганини маълум қилди.
“Настоящее Время” нашрининг ёзишича, БМТ кучли артиллерия ва ракета отишмалари, ҳаво ҳужумлари ва портлашлар оқибатида тинч аҳоли ҳалок бўлаётганини таъкидлайди.
Ушбу статистик маълумотларга Россия аскарлари чекинганидан кейин топилган жасадлар киритилганми ёки йўқми, ҳисоботда айтилмаган.
Украина Бош прокурори Ирина Венедиктованинг айтишича, Киев вилоятида Россия армиясидан озод қилинган ҳудудларда 410 нафар тинч аҳолининг жасади топилди.
Журналистлар ва Украина расмийларининг айтишича, ўнлаб тинч аҳоли Буча кўчаларида, баъзилари бирга ёки қисман кўмилган. Бир қатор оммавий ахборот воситалари томонидан чоп этилган суратларда қўли боғланган баъзи одамлар тасвирланганини кўриш мумкин.
Украина президенти Владимир Зеленский Россияни геноцидда айблади. Ғарб давлатлари бу каби ҳарбий жиноятларни тергов қилиш ва судга тортишга чақирмоқда.
Россия Мудофаа вазирлиги бу айбловларни рад этиб, Киев томонидан ошкор этилган сурат ва видеоларни “навбатдаги провокация” деб атади.
