Бошқа мавзуларҚозоғистон ўз ички бозорини ҳимоя қилиш мақсадида буғдой ва ун экспортига вақтинчалик чекловлар жорий қилиши мумкин. Бу ҳақда Қозоғистон қишлоқ хўжалиги вазири Ербол Карашукеев маълум қилди.
“Ҳозирда буғдой ва ун экспортини чеклаш устида ишлаяпмиз”, — деди вазир.
Карашукеевнинг сўзларига кўра, бу чоралар маҳаллий фермерлар донни тегирмончиларга сотмагани учун кўрилмоқда. Фермерлар ички бозорга сотишни истамай, экспорт нархлари ошишини кутишмоқда.
Қозоғистон ҳукуматининг билдиришича, айни дамда Қозоғистонда ички бозорни таъминлаш ва экспорт қилиш учун етарли миқдорда буғдой ва ун бор. Бироқ ҳозирча экспортни тақиқлаш қачон жорий этилиши аниқ айтилмади.
