Зеленский Москва билан музокараларни давом эттириш кераклигини айтди

Украина президенти Владимир Зеленский Буча фожиасидан кейин қанчалик қийин бўлмасин, урушни тугатиш учун Москва билан музокаралар олиб бориш зарурлигини таъкидлади. Сешанба куни маҳаллий журналистларга берган интервьюсида президент Буча ҳодисасини “катта фожиа” ва “геноцид” деб атади ва уруш жиноятчилари жавобгарликка тортилишини ваъда берди.

Зеленский, шунингдек, Украина тинчлик шартномасини имзолаган кунда ҳам, Москванинг кафолатларига ишонмаслигини, Россия «икки йилдан кейин қайта қайтиб келиши мумкин эканини» айтди.

Президентнинг айтишича, мамлакат НАТОга кирар эди, бироқ иттифоқ бунга тайёр эмас бўлиб чиқди. Бундан ташқари, Украина хавфсизлигини кафолатлай оладиган давлатларнинг рўйхати йўқ.

 Аввалроқ давлат раҳбари Украина Россия билан ҳудудий яхлитлик бўйича музокаралар олиб бораётганини маълум қилганди.

Украина расмийларига кўра, Россия қўшинлари Киев чеккасидаги Буча шаҳрини озод қилганидан кейин тинч аҳолининг жасадлари топилган.

Россия расмийлари бу айбловларни рад этиб, Буча жиноятлари ҳақидаги хабарларни Москвани обрўсизлантиришга қаратилган “провокация” деб атади. Уларнинг айтишича, аскарлари 30-март куни Бучадан эвакуация қилинган.

Maxar Technologies фирмасининг сунъий йўлдош орқали март ойи ўрталарида олинган суратларида жасадларни шаҳар кўчаларида ётганини кўриш мумкин.

Бўлишинг:

Муҳаррир танлови

Қизил майдондан қабрлар ва лениннинг жасадини олиб ташлаш таклиф қилинди

Давлат Думаси спикери ўринбосари Борис Чернишов Москванинг Қизил майдонидаги Кремл олдидаги некрополни олиб ташлаш ва мақбарадаги Лениннинг жасадини дафн қилишни таклиф ...

Москвада ўзбекистонлик талаба мажбуран реанимацияга ётқизилган

Россия Халқлар дўстлиги университети қошидаги Тиббиёт институтининг ўзбекистонлик  талабаси Ўлмасхон Баҳронов 27 август куни Москвадаги 67-сонли касалхонада мажбуран ...

Москвадаги норозилик намойишига 50 мингдан зиёд киши йиғилди

Москванинг ададемик Сахаров шоҳ кўчасида рухсат берилган акцияга 50 мингдан зиёд киши йиғилди. Бу ҳақда “Газета.уз” сайти ёзмоқда. Келишилган митингдан сўнг Москва марказида ...