Бошқа мавзуларБеларусь 39 давлатни “нодўстона” давлатлар рўйхатига киритган. Бу ҳақдаги фармонни бош вазир Роман Головченко имзолади. Рўйхат parvo.by миллий интернет порталида эълон қилинди.
Белоруснинг юридик ва жисмоний шахсларга нисбатан «нодўстона ҳаракатлар қилган» мамлакатларга қуйидагилар киради:
АҚШ, Буюк Британия, Канада, Норвегия, Исландия, Швейцария, Албания, Черногория, Шимолий Македония, Лихтенштейн, Австралия ва Европа Иттифоқига аъзо бўлган 27 давлат.
7-апрель куни Беларусь президенти Александр Лукашенко “дўстона бўлмаган мамлакатлар”дан ташриф буюрувчилар учун тўловларни тўхтатиш ҳақидаги фармонни имзолади.
Фармонга кўра, резидентлар фойдасига тақдим этилган ҳужжатлар ижроси тўхтатилиб, банклар ушбу резидентлар томонидан тақдим этилган тўлов талабларини тўловчининг акцептисиз қабул қилишдан бош тортишлари шарт.
“Дўстона бўлмаган давлатлар”га нисбатан қўлланилган яна бир чора Беларусга қарши санкциялар жорий этган давлатлар олдидаги давлат қарзини тўлашдир. Эндиликда Молия вазирлиги, агар дўстона бўлмаган давлатлар чекловлар қўйса, миллий валютада, Беларусь рублида тўловларни амалга ошириш ҳуқуқига эга.
