Қирғизистон-Ўзбекистон чегарасида содир бўлган отишмада икки киши ҳалок бўлди

Қирғизистон-Ўзбекистон чегарасида юз берган қуролли тўқнашувда икки киши ҳалок бўлди. Қирғизистон Миллий хавфсизлик давлат қўмитаси чегара хизмати хабарига кўра, воқеа 5-апрель куни кечқурун содир бўлган.
Ҳалок бўлганлардан бири 37 ёшда, иккинчиси эса 31 ёшда бўлган. Улар Ўзбекистонда туғилиб ўсгани, 2012-йилда Қирғизистон фуқаролигини олгани ва Ўзбекистон паспортини сақлаб юргани айтилмоқда.
Қирғизистон томони Ўзбекистон ҳарбийларининг маълумотига таяниб, Жалолобод вилоятининг Ахси туманидаги Дейрес қишлоғида бир неча қирғиз фуқаролари отда Ўзбекистон ҳудудига контрабанда йўли билан товарлар олиб киришга уринган ва қўшни давлат ҳудудига 500 метр масофада кириб келганини аниқлашган. Ўзбекистон давлат чегарачиларининг тўхташ ҳақидаги талабига бўйсунмагани , қўлга олиш вақтида жанжал келиб чиққанини маълум қилишди.
“Ўзбек чегарачилари ўз ҳаёти ва соғлиғини сақлаб қолиш учун қурол ишлатган, икки нафар тинч аҳоли вакили ҳалок бўлган. Қолганлари Қирғизистонга қочишга муваффақ бўлган”, — дея хабар қилди Қирғизистон Чегара хизмати.
Ўзбекистон чегарачилари қиймати 20 минг доллардан ортиқ бўлган товарларни ноқонуний олиб ўтишга ҳаракат бўлганини айтишди.
Воқеа жойида икки давлат чегара хизмати вакиллари учрашиб, вазиятни муҳокама қилган. Натижада, ҳар бир томон ўз суриштирувини ўтказадиган бўлди.
Жалолобод вилояти маъмуриятининг маълум қилишича, жасадлар Қирғизистонга маданий назорат пункти орқали олиб келинди.
Ўзбекистон томони ҳозирча бу борада расмий маълумот бермаган.
Бўлишинг:

Муҳаррир танлови

Якка тартибда уй-жой қуриш учун ер участкалари бериш тартибига ўзгартириш киритилади

Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш мўлжалланмоқда Фото: Shutterstock Вазирлар Маҳкамасининг “Ўзбекистон Республикаси ...

Ҳокимга мурожаат — фитна бўлдими?!

Ижтимоий тармоқларда Тошкент шаҳар ҳокими, сенатор Жаҳонгир Ортиқхўжаевнинг тамаки тутатиб, фуқаро мурожаатига беписандларча тургани акс этган видео роса оммалашмоқда. Фото: ...

Ўза сизу биз ўйлагандан ҳам қитмирроқ (ва бу жуда ҳам яхши!)

Ўзбекистон Миллий ахборот агентлиги (ЎзА) «Бир саволга бир жавоб» деган лойиҳа бошлаган. Лойиҳанинг бу галги меҳмони Фарғона вилояти ҳокими Шуҳрат Ғаниев бўлибди. Унга ...