Бошқа мавзуларҚирғизистоннинг Лайлак тумани Қулунду қишлоқ округининг Интернационал, Мақсат қишлоғи ҳамда Янги-Ер қишлоқ ҳудуди Дўстлик, Марказ, Арка ва Жаштиқ қишлоқлари аҳолиси эвакуация қилинмоқда.
Президентнинг Боткен вилоятидаги девонига кўра, эвакуация қилинганлар сони номаълум.
“Лайлак туманининг Марғун ва Бешкент қишлоқ округларида қишлоқ аҳолиси эвакуация қилинмоқда. Вазиятни барқарорлаштириш бўйича икки томонлама музокаралар олиб борилмоқда”, — дейилади хабарда.
Лайлак чегараси яқинидаги Жаштиқ қишлоғида яшовчи Сарвар Турдубоевнинг айтишича, эркаклар қишлоқда қолиб, уни назорат қилмоқда.
“Жаштиқ қишлоғида вазиятни назорат қилиш фақат эркаклар қолди. Тахминан ярим соат давомида отишма бўлди. Чоллар, аёллар ва болалар кетишди. Ҳозир ҳеч қандай ўқ овозлари эшитилмаяпти. Тожикистон билан чегарадош Дўстлик, Арка, Марказ ва Мақсат қишлоқларида аҳвол мана шундай”.
Эслатиб ўтамиз, 12-апрель куни Лайлак туманидаги Мақсат қишлоғи яқинида қирғиз ва тожик чегарачилари ўртасида содир бўлган отишмада бир тожик чегарачиси яраланган.
“Лайлак туманининг Селхона ҳудудида Тожикистон давлат чегарачилари Қирғизистон ҳудудига 20 метр ичкарига кириб келган”, — дейилади хабарда.
“Улар чегарани кесиб ўтмаслик ҳақидаги огоҳлантиришга қулоқ солишмади. Қирғизистон чегарачилари ҳавога огоҳлантирувчи ўқ узди. Бунга жавобан тожик чегарачилари қирғиз аскарларига қарата ўт очгана.
Тожикистон томони воқеа юзасидан изоҳ бермади.
