Туркманистонда ўқитувчиларга миллий либосда юриш мажбурияти юклатилиб, ўқувчиларга тақинчоқ тақиш тақиқланди

Туркманистон ҳукумати мактаб ўқувчилари, ўқитувчилар ва айрим давлат амалдорларининг ташқи кўриниши устидан назоратни кучайтирди.

Turkmen.news хабарига кўра, Ашхободда ўқувчи қизларга билагузук, занжир ва бошқа тақинчоқлар тақиш тақиқланган. Ўқитувчилар ҳам миллий либос кийиш мажбуриятини олди.

Айрим манбаларга кўра, мактабга фақат туркман ўқитувчилари миллий либосда боришлари шарт. Бошқа миллатларга, масалан, русларга ўзлари хоҳлаганча кийинишга яширинча рухсат берилди.

Бироқ, кийиниш коди турли муассасаларга ҳар қандай ўрнатилди. Айрим муассасаларнинг кириш жойларида кийиниш қоидалари кўрсатилган.

Бундан буён Транспорт вазирлигига эркаклар классик костюмлари, аёллар миллий либослар, камзул ва рўмол ўрашлари керак бўлади.

Молия вазирлиги аёллардан фақат узун кўйлак кийишни ва жисмоний қиёфасини кўрсатмасликни сўради. Кийимнинг миллий услубда бўлиши шарт эмас.

“Туркмангеология” давлат корпорацияси 8-апрель куни махсус буйруқ чиқарди. Буйруқда ҳодимларга душанбадан бошлаб туркман миллий либослари ва рўмол ўраш мажбурияти юклатилди. Буйруқни бажармаганлар ишдан кетишга мажбур бўлади.

Айрим манбалар талаблар янада қаттиқлашганини айтади. “Бу янги президент Сердар Бердимуҳамедовнинг хоҳиши, эканини айтишмоқда”, – дейди улар.