АҚШ Конгресси Вакиллар палатасидаги республикачи депутатлари президент Жо Байденни муваффақиятсиз миграция сиёсати учун импичмент эълон қилишни талаб қилди. Бу ҳақда The Hillёзди.
“Президент Байден бизнинг жанубий чегараларимизга ҳужум қилиш билан Америка халқининг хавфсизлигига атайлаб таҳдид яратмоқда”, деди Боб Гуд.
Уни конгрессмен Маржори Тейлор Грин ва бошқа қатор сиёсатчилар қўллаб-қувватлаган.
Республикачиларнинг айтишича, Байден АҚШ чегарасидаги назоратни “мексикалик жиноий гуруҳлар”га топширган.
Эслатиб ўтамиз, 2021-йилнинг октабрь ойида АҚШ-Мексика давлат чегарасидан сўнгги 35 йил ичида ноқонуний миграциянинг рекорд даражадаги кириши қайд қилинган.
АҚШнинг Чегара ва божхона бошқармаси 2021-йилдаги ҳисоботида 1,7 миллион муҳожир нотўғри хатти-ҳаракатлари учун ҳибсга олинганини айтган. Бу Байден ва унинг қўл остидагиларини қаттиқ танқидлар остида қолдирган.