Украинанинг энг бой тадбиркори Ринат Ахметов Мариуполни қайта тиклашга ёрдам беришини эълон қилди.
“Биз бутун Украинани қайта тиклаймиз”, деди Ахметов.
Украиналик миллиардернинг айтишича, унинг мақсади Мариуполга қайтиш. Шунингдек, у ердаги пўлат ишлаб чиқаришни ривожлантириш ва жаҳон бозорида рақобатлашиш учун янги режалар ишлаб чиқишни мақсад қилган.
Мариуполда Ахметовга тегишли эканлиги айтилаётган иккита компания: Ильич номидаги металлургия заводи ва Азовстал заводи жойлашган.
Ахметов Мариуполни глобал фалокатнинг ва жасоратнинг рамзи деб ҳисоблайди.
Аввалроқ хорижда эканлиги айтилган Ахметов 23-февралда Украинага қайтганини ва ҳали ҳам ўз ватанида эканини маълум қилган.
Ахметов Forbes рейтингида украиналик миллиардерлар орасида биринчи ўринни эгаллайди. Унинг бойлиги 4,2 миллиард долларга баҳоланган.