Озарбайжон президенти Илҳом Алиев Боку Украинанинг ҳудудий яхлитлигини қўллаб-қувватлашини айтди. Бу ҳақда у 29-апрелда бўлиб ўтган “Жанубий Кавказ: тараққиёт ва ҳамкорлик” деб номланган халқаро конференцияда айтиб ўтди.
“Бошқа давлатлар қатори биз ҳам Украинанинг ҳудудий яхлитлигини очиқдан-очиқ қўллаб-қувватлаймиз ва ёпиқ эшиклар ортига яширинмаймиз. Ҳа, биз Россия билан яхши муносабатларимиз борлигини инкор этмаймиз. Сиёсий устунлик туфайли халқаро ҳуқуқ тамойиллари бузилмаслиги керак”, – деди Алиев. .
Февралда Алиев ва Россия етакчиси Владимир Путин Москвада иттифоқчилик ҳамкорлиги тўғрисидаги декларацияни имзолаган эди. Белоруссиядан бошқа Россия иттифоқчиларининг ҳеч бири Москванинг Украинага қилган ҳужумини қўллаб-қувватлашини ошкора эълон қилмади.