Бошқа мавзуларТуркманистоннинг Болқон вилоятидаги болалар боғчаларида Голливуд ва Дисней мултфильмлари қаҳрамонлари тасвирланган кийимларни кийиш тақиқланди. Шунингдек, хорижий кино қаҳрамонларидан ясалган қўғирчоқларни маҳаллий дўконларда сотиш мумкин эмас. Эндиликда боғча тарбияланувчилари ҳам ўхшаш форма кийишлари шарт.
Маълум бўлишича, бу қоида камида тўртта боғчада жорий этилган. Ота-оналарнинг сўзларига кўра, боғча маъмуриятлари фақат маҳаллий тадбиркорлик субъектлари томонидан тикилган формани кийишлари шарт.
Икки ҳафта олдин туркман ҳукумати туркман аёлларининг ташқи кўриниши устидан назоратни кучайтирган эди.
11-апрелдан бошлаб туркман журналистлари аёлларга сочларини бўяш, калта қилиб кесиш, маникюр ва ботокс қилиш тақиқлангани ҳақида ёзишган эди. Тез орада аёллар кийимига талаб ортиб борди.Аввал ўқитувчи, билим даргоҳи ҳодимлари ва тиббиёт ҳодимлари узун енгли кўйлак ва рўмол кийишлари мажбурий бўлган эди.
