Европа футбол ассоциацияси (УEФА) 2-май куни Россия футбол клублари ва жамоаларининг ташкилот доирасидаги турнирларда иштирок этишини чеклади.Бу ҳақдаги маълумот ташкилот сайтида эълон қилинди.
Россия жамоалари УEФА мусобақаларининг 2022-23 йилги мавсумида иштирок эта олмайди.
Россия “В” лигасининг 2-гуруҳида иштирок этмайди ва унда автоматик тарзда тўртинчи ўринни эгаллайди. Унга кўра, гуруҳ босқичи натижасига кўра, у В лигадаги барча жамоалар орасида сўнгги 16-ўринни эгаллайди ва унинг даражаси пасаяди.
28-февралда УEФА ва ФИФА Россия термаларини халқаро турнирлардан четлаштириши ҳақида эълон қилди. Москванинг “Спартак” клуби 2021-2022 йилги мавсумда Европа лигасининг 1/8 финалида ўйнаш имкониятидан маҳрум бўлди. Россия терма жамоаси 2022-йилги Жаҳон чемпионатининг плей-офф босқичида иштирок этмади.