Бошқа мавзуларШимолий Корея баллистик ракетасини синовдан ўтказгани хабар қилинди.
Йонхап агентлиги хабарига кўра, Жанубий Корея Бош штаби Шимолий Корея баллистик ракетасини синовдан ўтказганини маълум қилди.
Синов маҳаллий вақт билан соат 12.03 да Пхеньян яқинидаги Сунан минтақасидан Япон денгизи йўналишида ўтказилгани айтилди.
NHK телеканали хабарига кўра, Япония Мудофаа вазирлиги ракета Япония миллий фавқулодда зонасидан ташқарига тушганини маълум қилди. Япония бош вазири Кишида Фумио минтақадаги кемалар ва самолётларга етказилиши мумкин бўлган зарарни аниқлаш бўйича топшириқ берди.
Сўнгги синов билан биргаликда Шимолий Корея 2022-йилнинг бошидан бери 14-марта ракета синовини ўтказди.
