UNWTO Россияни ўз сафидан чиқариб юборди

БМТнинг Жаҳон сайёҳлик ташкилоти (UNWTO) Украинадаги уруш туфайли Россиянинг аъзолигини тўхтатишга қарор қилди. 27-апрелда бўлиб ўтган овоз беришда 160 аъзо давлатнинг кўпчилиги қарорни ёқлаб овоз берди. Бу ҳақда Мадридда жойлашган ташкилот матбуот хизмати хабар берди. Бироқ қанча давлат қўллаб-қувватлагани, қанчаси қарши чиққани маълум қилинмади.
Бундай натижани олдини олиш учун Москва Бош Ассамблея йиғилиши бошланганида ташкилотни тарк этишини эълон қилган.
UNWTO биринчи фавқулодда ассамблеясини Россиянинг Украинага ҳужуми БМТ Низоми ва Туризм ташкилотининг якуний мақсадини бузадими ёки йўқлигини муҳокама қилиш учун чақирган.
Овоз беришдан олдин ташкилот бош котиби Зураб Пололикашвили: “Бизнинг мақомимиз аниқ: биз тинчлик ва инсон ҳуқуқларини ҳурмат қилиш учун туризмни ривожлантирамиз. Фақатгина ушбу тамойилларни қўллаб-қувватловчи давлатлар аъзо бўлиши мумкин”, — деб Твиттерга ёзган.
Бош Ассамблеяга раислик қилувчи Испания туризм вазири Мария Рейес Марото бу қарорни олқишлаб, “Путиннинг ҳарбий зарбаси БМТнинг асосий тамойилларини қўпол равишда бузади”, деди.
Испания ҳукумати агар Россия Федерацияси сиёсати ўзгарса, мамлакатга нисбатан қўйилган чекловлар олиб ташланиши мумкинлигини айтди.
Россия ташқи ишлар вазирлиги бу қарорни “сиёсий сабабларга кўра ноқонуний” деб ҳисоблашини ва овоз бериш “Россияга қарши пропаганда ва шантаж” эканлигини айтди.
Кремлнинг матбуот котиби Дмитрий Песков Россиянинг UNWTOдан чиқиш қарори мамлакатнинг туризм саноатига таъсир қилмаслигини айтди.
Ушбу ташкилот 1946-йилда туризмнинг ижтимоий-иқтисодий ҳиссасини ошириш ва унинг потенциал таъсирини камайтириш мақсадида ташкил этилган.
Бўлишинг:

Муҳаррир танлови

 боёвут туманидаги боғчада 25 киши заҳарланди

18-19 июнь кунлари Сирдарё вилояти Боёвут тумани 21-сонли мактабгача таълим муассасасининг 23 нафар тарбияланувчиси, 1 нафар тарбиячиси ҳамда 1 нафар ҳамширасида заҳарланиш ...

Ўзбекистонда пенсия миқдори нега жуда ҳам кам?

Молия вазирлиги ҳузуридаги Бюджетдан ташқари Пенсия фонди Ўзбекистонда пенсия таъминот тизимининг бугунги ҳолати, истиқболлари ва унинг самарадорлигини оширишга қаратилган ...

Янги йилнинг биринчи куни ўзбекистонда 1442 нафар чақалоқ туғилди

2019 йилнинг 1 январь куни, соат 19.00 ҳолатига кўра, Ўзбекистонда 1442 нафар чақалоқ туғилди, деб ёзмоқда “Kun.uz” нашри. Иллюстратив фото Соғлиқни сақлаш ...