Эроннинг Ҳурмузгон вилоятида қалбаки спиртли ичимликдан заҳарланган ўн киши ҳалок бўлди.
Ҳурмузгон шаҳридаги Соғлиқни сақлаш фанлари университети матбуот котиби Фатма Неврузиан вилоят маркази Бандар Аббос шаҳрида қалбаки спиртли ичимликдан заҳарланганлар ҳақида Tasnim агентлигига маълум қилди.
Фатма Неврузиан: «Бандар Аббос шаҳрида 75 киши спиртли ичимликдан заҳарланиб касалхонага ётқизилган. Ушбу беморларнинг ўнтаси вафот этди», деди у.
Ҳалок бўлганлардан бири аёл эканлигини таъкидлаган Неврузиан, 4 кишининг аҳволининг оғир эканини айтди.
Мусулмонларга спиртли ичимликлар сотиш ва истеъмол қилиш тақиқланган Эронда спиртли ичимликлар мамлакатга ноқонуний олиб кирилиб, айрим уйларда ва цехларда ишлаб чиқарилиши мумкин.
Эрон қонунларига кўра, спиртли ичимликлар ишлаб чиқарган, сотиб олган ёки сотган ҳар бир киши қамоққа ташланиб, қамчи билан калтакланади.