Бугун, 11-май куни Бишкек шаҳрида Қуръон байрами нишонланишини Қирғизистон мусулмонларининг диний идораси маълум қилди. Идора матбуот хизматининг хабарига кўра, «Қуръондан қалблар покланади» номли тадбир Миллий филармонияда бўлиб ўтади.
Тадбирдан мақсад Қуръон оятларини тафсир қилиш экани айтилди. Байрамда мамлакатнинг турли ҳудудларидан келган таниқли қорилар Қуръони Каримни тиловат қиладилар, таниқли дин олимлари эса оятларни тафсир қилиб беришади.
Қирғизистонда бундай байрам биринчи марта ўтказилмоқда.
Қирғизистон Конституциясига кўра, дин давлатдан ажратилган, диний ташкилотларнинг давлат органлари фаолиятига аралашишига йўл қўйилмайди.