Бошқа мавзуларРоссия аскари Вадим Шишимарин Киев судида Украинанинг Суми туманида 62 ёшли қуролсиз фуқарони ўлдирганини тан олди. Тергов маълумотларига кўра, марҳум Чупаховка қишлоғида велосипед ҳайдаб кетаётганида, бошидан ўқ узишган. Воқеа 28-февраль куни содир бўлган.
21 ёшли Шишимарин Украинада ҳарбий жиноятларда айбланган биринчи рус аскаридир. У “Уруш қонунлари ва анъаналарини бузиш” моддаси бўйича судланмоқда.
Украина хавфсизлик хизмати томонидан эълон қилинган видеода Шишимарин ўзи кетаётган конвой отишмага учрагач, бир неча киши билан бировнинг машинасини тортиб олганини айтиб берган. Сўнгра аскарлар телефонда гаплашиб, велосипед миниб кетаётган одамни кўришган. Шишмарин уни отиш ҳақида буйруқ олганини айтди.
Рус аскари қандай шароитда асирга олингани аниқ эмас. Асли иркутсклик Шишимарин Москва вилояти танк дивизиясида отряд командири эди. Агар айби исботланса, у умрбод қамоқ жазосига ҳукм қилиниши мумкин.
