Бошқа мавзуларМексиканинг Тихуана шаҳридан АҚШнинг Сан-Диего шаҳригача олиб борувчи наркотик моддаларини ташийдиган йирик туннель топилди.
Мексикадан Қўшма Штатларининг саноат зонасидаги омборга уланган олтита футбол майдонига тенг узун туннелни АҚШ расмийлари пайқаб қолишган.
Расмийларнинг айтишича, Тихуанадан Сан-Диегога наркотик контрабандаси линиясида рельс ва шамоллатиш тизимлари, электр таъминоти ва мустаҳкам деворлар ўрнатилган.
Туннель Сан-Диего шаҳридаги Отай Меса чегара дарвозаси яқинида аниқланган, у ерда сўнгги йигирма йил ичида ўндан ортиқ мураккаб туннеллар топилган.
Туннелнинг қанча вақтдан бери фойдаланилгани аниқланмаган. Тергов доирасида 762 килограмм кокаин, 165 килограмм мет ва 3,5 килограмм героин мусодара қилинди.
Жанубий Калифорниядан олти киши кокаин сотишда айбланиб ҳибсга олинди.
