Европа Иттифоқига чиқиб кетган украиналиклар сони 6,3 миллионга етди

Россия ҳужумларидан кейин мамлакатни тарк этиб, Европа Иттифоқига борган украиналиклар сони 6,3 миллионга етди.

Европа Иттифоқи чегараларини ҳимоя қилиш агентлиги Frontexнинг маълумотларига кўра, украиналиклар ўз ватанлари билан бирга Молдовадан чиқиб Европа Иттифоқи мамлакатларига киришган.

Маълумотларга кўра, украиналиклар энг кўп Польшага борган. Польшада 3,4 миллион украиналиклар бор. Бошқа қўшни давлатлардан Руминияга 1,8 миллион, Венгрияга 650 минг ва Словакияга 420 минг киши боргани таъкидланди.

Сўнгги кунларда Украинага кираётганлар сони ортган. Уруш бошланган 24-февралдан буён мамлакатга 2 миллион киши кирган. Уларнинг ярми Украина фуқаролари.

Охирги 10 кун ичида Украинага Европа Иттифоқи чегарасидан ўтганлар сони кунига ўртача 32 минг нафарга етди.

Украина фуқаролари Европа Иттифоқига визасиз киришлари мумкин.