Хитой-Қирғизистон-Ўзбекистон темир йўли қурилиши жорий йилда бошланади

Қирғизистон Вазирлар Маҳкамасининг раиси Ақилбек Жапаров 20-май куни бўлиб ўтган ҳукумат йиғилишида Хитой-Қирғизистон-Ўзбекистон темир йўли қурилиши шу йилнинг кузида бошланишини маълум қилди.

Жапаров буни Қирғизистон тарихидаги энг йирик лойиҳалардан бири деб атаб, уни қўллаб-қувватлашга чақирди. У темир йўл қурилиши билан боғлиқ лойиҳанинг амалга оширилишидаги тафсилотларга изоҳ бермади.

Хитой-Қирғизистон-Ўзбекистон темир йўлини қуриш ташаббуси 2000-йиллар бошида бошланган, бироқ амалга ошмаган. Садир Жапаровнинг Хитой раҳбари Си Цзинпин билан сўнгги учрашувида асосий эътибор темир йўл қурилишига қаратилган эди.

Аввалроқ Хитойнинг Қирғизистондаги элчиси Ду Дэвэн “Кабар” Миллий ахборот агентлигига берган интервьюсида уч давлатнинг тегишли хизматлари “Хитой-Қирғизистон-Ўзбекистон” темир йўли лойиҳасини амалга ошириш бўйича яқиндан ҳамкорлик қилаётганини маълум қилганди.

Хитой-Қирғизистон-Ўзбекистон темир йўлининг тўртта йўналиши бўйича вариантлар мавжуд. Қирғизистон темир йўлни От-Боши туманидаги Тўруғарт довони орқали ўтказиб, Фарғона тизмаси билан бўлинган Қирғизистонни боғлагиси келади . Хитой ва Ўзбекистон Эркаштом довони орқали қисқароқ темир йўлни ўтказишни истайди.

Бўлишинг:

Муҳаррир танлови

Ўзбек хонликлари тарихини ўрганмаслик нотўғридир

Ўзбек хонликлари тарихи минтақанинг энг ёмон ўрганилган даврларидан биридир. Бунинг бир қанча сабаблари бор. Биринчидан, совет мероси. Советлар бевосита ўша хонликлар билан ...

Аёллар таҳқирланган каттақўрғон шаҳар ииб 7 нафар раҳбар ва ходими ишдан бўшатилди

Самарқанд вилояти Каттақўрғон тумани Ички ишлар бўлимининг етти нафар зобити ва сафдори ишдан бўшатилди. Бу ҳақда Ўзбекистон Республикаси ИИВ Жамоатчилик ва оммавий ахборот ...

Ўзбекистон маориф тизимида порахўрлик юзасидан 83 та жиноий иш қўзғатилган

Ўзбекистонда 2018 йил бошидан бугунга қадар маориф тизимида коррупция, тамагирлик ва мансабни суиистеъмол қилишга доир 83та жиноий иш қўзғатилган, деб хабар беради Бош ...