Филиппин президенти Путинни «болаларни ўлдирмоқда» дея айблади

Филиппин президенти Родриго Дутерте ҳукуматнинг ҳафталик йиғилишида Россия президенти Владимир Путинни Украинадаги урушда тинч аҳолини ўлдиришда айблади. Бу ҳақда The Independent газетаси ёзди.

Дутерте Путиннинг ҳужумини «махсус ҳарбий операция» деб атаганига қўшилмаганини айтиб, бу Россиянинг «суверен давлат»га қарши кенг кўламли уруши эканини таъкидлади.

 “Кўпчилик мени ва Путинни қотил деб атайди. Мен филиппинликларга анчадан бери айтаман, ҳа, мен одам ўлдираман. «Мен фақат жиноятчиларни ўлдираман, лекин мен болалар ва қарияларни ўлдирмайман», деди Филлипин президенти.

Дутертенинг қўшимча қилишича, сўнгги уруш жаҳон бозорида нефть нархини ошириб юборган, бу эса кўплаб мамлакатлар, шу жумладан Филиппинга ҳам зарар етказган.

 Филиппин президентлигидаги олти йиллик фаолиятидан сўнг Дутерте жорий йилнинг 30-июнида истеъфога чиқади. У аввалроқ Россия ҳукумати ва шахсан Путинга миннатдорчилик билдирган. 2016-йилда Россия президенти билан биринчи учрашувида у Россияни «буюк давлат» деб атаган ва Ғарб давлатларини «ҳукмронлик қилишга» ва “иккиюзламачиликда” айблаган.

Родриго Дутерте ўз мамлакатида жиноятчиликка қарши курашнинг радикал усуллари билан танилган. Ўзининг биринчи иш кунида у филиппинликларга мурожаат қилиб, гиёҳванд моддалар сотувчиларни, гиёҳванд моддаларни истеъмол қилувчиларни ва гиёҳванд моддалар савдосига алоқадор бўлганларни ўлдираверишга чақирган.

The Independent нашрининг ёзишича, гиёҳвандликка қарши курашишнинг натижасида камида 6000 киши ўлган. Инсон ҳуқуқлари ташкилотлари Дутерте бошлаган кампаниянинг доирасида бундан ҳам кўпроқ одам ҳалок бўлганини айтилади. Булар орасида ёш болалар ўлгани ҳақида ҳам маълумотлар бор.

Бўлишинг:

Муҳаррир танлови

Россия ўзига қарши бўлганларга таҳдид қилди

Бугун БМТда Россияни БМТ Инсон ҳуқуқлари кенгашидан чиқариб юбориш масаласи муҳокама қилинди. Йиғилишда ҳозир бўлганлар ушбу масала бўйича ўз танловларини амалга оширади. ...

Россия мариуполдаги заводда гуманитар коридор очганини эълон қилди

Россиянинг Мудофаа вазирлиги Украинанинг Мариупол шаҳридаги «Азовсталь» заводи яқинида қамалда қолган аҳолини эвакуация қилиш учун гуманитар йўлак очганини маълум қилди. Бу ...

Львовда уруш пайтида болаларнинг ўлдирилишига қарши акция бўлиб ўтди

Львов шаҳрининг марказида 109 та болалар аравачаси қўйилди. Аравачалар Россия Украинага бостириб кирганидан сўнг ҳалок бўлган болаларни хотирлаш учун қўйилган. “Урушнинг ...